طبعًا كلنا عارفين إن النحل بيصنّع عسل من رحيق الأزهار ..
.
بس اللّي الناس متعرفوش إنّ في نمل بينتج عسل هو كمان زيّه زيّ النحل ..
.
اللّي قدّامك دول هم الـ Honeypot Ants أو نمل العسل، وزيّه زّي أنواع كتير من الحشرات مستعمرته بتتقسّم لكذة وظيفة بيقوم بيها كل مجموعة من النمل؛ زيّ الملكة والنمل المحارب اللّي بيحمي المُستعمرة والنمل الشغّال اللّي بيقوم بالوظايف المُختلفة جوّا؛ وأخيرًا النوع اللّي يهمّنا هنا ألا وهن (المُتخمات) أو (المُكتنزات)، أو (المُكورات)، أو (المُنتفخات) وأعتقد واضح سبب التسمية إيه ..
.
النوع دا بيبقى موجود في المناطق الحارة والصحراوية وبعض المناطق المُعتدلة، وبيتغذّى على فضلات الحشرات التانية ويستخلص منها المواد السُكرية في نفس الوقت اللّي بيستخلص رحيق الأزهار بردو زيّه زيّ النحل ويحوله لنوع من أنواع العسل السائل، العسل دا بيخزّنوه في معدتهم اللّي في جزء منها بيبقى مرن كفاية إنّه يفضل ينتفخ وينتفخ لحد ما يبلُغ أقصاه ويبقى أشبه بالبالونة زيّ المنظر اللّي قدّامك دا ..
.
طب إيه وجه الاستفادة من مخزون العسل دا ..؟
.
هقولك إنّ السبب بردو بيورّيك قدّ إيه التصميم الإلهي مُحكم ومُبهر، وهو إن النملات دول بعد ما بيملوا معدتهم بالعسل بتسلّقوا السقف المُستعمرة ويفضلوا متعلّقين من أرجلهم كمستودعات ومخازن مؤن لباقي النمل، لحد ما ييجي وقت على المُستعمرة الأكل فيها يقل وتبقى مصادره قليلة يبدأ دورهم فالظهور في إنّ النملة المحتاجة أكل تروح لواحدة من مخازن العسل الحيّة دول طلبًا للغذاء ..
.
فتيجي النملة المحتاجة تخبط في قرون استشعار النملة المُنتفخة فتفهم إنّ في نملة محتاجة غذاء، فتتلاقى أفواههم والنملة المُنتفخة تعصر بطنها فيندفع منها العسل لفم النملة الجعانة نقطة واحدة كافية تغذّيها لفترة إنّها تروح تكمّل شغلها تاني بعد ما شحنت طاقة ..
.
عارف الجمال والإتقان المُثير للانبهار أكتر هو إيه ..؟
.
إنّ النمل اللّي بيبقى محتاج للعسل وبيروح للمُنتفخات دول مبيروحش غير لمّا بيدّور على أكل الأول ويلاقي إنّ مفيش، يعني مش بيستهل وخلاص طالما الأكل متخزّن وموجود أروح على طول وأريح دماغي لأ، وفي المقابل المُنتفخات دول ممكن يفضلوا متعلّقين في سقف المُستعمرة بالشهور الطويلة في سبيل توفير الغذاء لباقي أفراد المُستعمرة بمتوسط ٢٥٠ نملة في كل غرفة من غُرف المُستعمرة بكميّة عشل تصل لـ ٨ أضعاف وزنها، مُتخيّل ..؟ بل ولو واحدة منهم وقعت باقي النمل بيجري يلحقها ويلصق رجليها تاني في السقف ..
.
الجميل كمان في الموضوع إنّ النملات دول بيبقوا في الغُرف الأرضية تحت خالص بعيدًا عن باقي المُستعمرة اللّي قد تكون عُرضة للهجوم وللسرقة من حشرات تانية، فبيبقى مخزون العسل في حماية دائمة، دا غير إنّ ثباتهم في السقف دا بيقلل من استهلاكهم نفسهم للغذاء بما إن مفيش مجهود بيُبذل يستاهل حرق طاقة واستهلاك غذاء ..
.
أزيدك من الشعر بيتًا ..
.
إنّ لمّا النملات دول بيتعلّقوا في السقف مبيتحركوش فلمّا العسل اللّي في بطنهم بيخلّص مبينزلوش يملوه تاني، بل بييجي النمل العامل هو اللّي بيشيل مسئولية إعادة ملىء بطونهم تاني فبيجمع بواقي الطعام واستنشاق رحيق الأزهار من برّة المُستعمرة ويدخل للغُرف الأرضية دي ويدفعوهم في أفواه النملات دول عشان يقوموا بدورهم في تحويلهم لعسل ويخزّنوهم وهكذا بقى، وبالمناسبة النملات دول بيبقوا دايمًا من أكبر الأحجام عشان يستفيدوا بأكبر مساحة تخزين ممكنة ..
.
عايز أقولك إنّ العسل دا بيتّاكل عادي وفي قبائل بتدوّر عليه مخصوص بإنهم بيحفروا بعُصي كدة في التُربة حتّى عُمق بيصل إلى مترين لحد ما يوصلوا لأماكن مُستعمرات النمل دا وبيفضلوا يدوّروا على الغُرف الأرضية اللّي بيبقى فيها النملات دول عشان ياكلوا العسل دا واللّي طعمه بيختلف حسب نوعية الأزهار اللّي النما دا استنشقها أو نوعية الطعام اللّي اتحوّل منّه العسل فالبداية، وآه عارف إنهم صعبوا عليك عشان فدماغك إنّهم شايلين أكل النمل التاني اللّي ملوش ذنب، بس هنعمل إيه، هو الإنسان كدة مُخرّب في كل حتّة بيروحها ..
.
المُهم إنّك لو صادفت نمل من دا فمستغربش شكله وهتفتكر كلامي هنا عنّه، فقول سبحان الله على جمال صُنعه، وعرّف صحابك اللّي بيحبّوا الحاجات الغريبة دي، وهاتهم يقروا معاك عن حاجة مش معروفة زيّ دي، ومتنساش تقولهم إنّ اللّي فوق دا مش كل الناس تعرفه، بس دلوقتي إنت مش منهم ..
.
#آخر_رف_فوقطبعًا كلنا عارفين إن النحل بيصنّع عسل من رحيق الأزهار ..
.
بس اللّي الناس متعرفوش إنّ في نمل بينتج عسل هو كمان زيّه زيّ النحل ..
.
اللّي قدّامك دول هم الـ Honeypot Ants أو نمل العسل، وزيّه زّي أنواع كتير من الحشرات مستعمرته بتتقسّم لكذة وظيفة بيقوم بيها كل مجموعة من النمل؛ زيّ الملكة والنمل المحارب اللّي بيحمي المُستعمرة والنمل الشغّال اللّي بيقوم بالوظايف المُختلفة جوّا؛ وأخيرًا النوع اللّي يهمّنا هنا ألا وهن (المُتخمات) أو (المُكتنزات)، أو (المُكورات)، أو (المُنتفخات) وأعتقد واضح سبب التسمية إيه ..
.
النوع دا بيبقى موجود في المناطق الحارة والصحراوية وبعض المناطق المُعتدلة، وبيتغذّى على فضلات الحشرات التانية ويستخلص منها المواد السُكرية في نفس الوقت اللّي بيستخلص رحيق الأزهار بردو زيّه زيّ النحل ويحوله لنوع من أنواع العسل السائل، العسل دا بيخزّنوه في معدتهم اللّي في جزء منها بيبقى مرن كفاية إنّه يفضل ينتفخ وينتفخ لحد ما يبلُغ أقصاه ويبقى أشبه بالبالونة زيّ المنظر اللّي قدّامك دا ..
.
طب إيه وجه الاستفادة من مخزون العسل دا ..؟
.
هقولك إنّ السبب بردو بيورّيك قدّ إيه التصميم الإلهي مُحكم ومُبهر، وهو إن النملات دول بعد ما بيملوا معدتهم بالعسل بتسلّقوا السقف المُستعمرة ويفضلوا متعلّقين من أرجلهم كمستودعات ومخازن مؤن لباقي النمل، لحد ما ييجي وقت على المُستعمرة الأكل فيها يقل وتبقى مصادره قليلة يبدأ دورهم فالظهور في إنّ النملة المحتاجة أكل تروح لواحدة من مخازن العسل الحيّة دول طلبًا للغذاء ..
.
فتيجي النملة المحتاجة تخبط في قرون استشعار النملة المُنتفخة فتفهم إنّ في نملة محتاجة غذاء، فتتلاقى أفواههم والنملة المُنتفخة تعصر بطنها فيندفع منها العسل لفم النملة الجعانة نقطة واحدة كافية تغذّيها لفترة إنّها تروح تكمّل شغلها تاني بعد ما شحنت طاقة ..
.
عارف الجمال والإتقان المُثير للانبهار أكتر هو إيه ..؟
.
إنّ النمل اللّي بيبقى محتاج للعسل وبيروح للمُنتفخات دول مبيروحش غير لمّا بيدّور على أكل الأول ويلاقي إنّ مفيش، يعني مش بيستهل وخلاص طالما الأكل متخزّن وموجود أروح على طول وأريح دماغي لأ، وفي المقابل المُنتفخات دول ممكن يفضلوا متعلّقين في سقف المُستعمرة بالشهور الطويلة في سبيل توفير الغذاء لباقي أفراد المُستعمرة بمتوسط ٢٥٠ نملة في كل غرفة من غُرف المُستعمرة بكميّة عشل تصل لـ ٨ أضعاف وزنها، مُتخيّل ..؟ بل ولو واحدة منهم وقعت باقي النمل بيجري يلحقها ويلصق رجليها تاني في السقف ..
.
الجميل كمان في الموضوع إنّ النملات دول بيبقوا في الغُرف الأرضية تحت خالص بعيدًا عن باقي المُستعمرة اللّي قد تكون عُرضة للهجوم وللسرقة من حشرات تانية، فبيبقى مخزون العسل في حماية دائمة، دا غير إنّ ثباتهم في السقف دا بيقلل من استهلاكهم نفسهم للغذاء بما إن مفيش مجهود بيُبذل يستاهل حرق طاقة واستهلاك غذاء ..
.
أزيدك من الشعر بيتًا ..
.
إنّ لمّا النملات دول بيتعلّقوا في السقف مبيتحركوش فلمّا العسل اللّي في بطنهم بيخلّص مبينزلوش يملوه تاني، بل بييجي النمل العامل هو اللّي بيشيل مسئولية إعادة ملىء بطونهم تاني فبيجمع بواقي الطعام واستنشاق رحيق الأزهار من برّة المُستعمرة ويدخل للغُرف الأرضية دي ويدفعوهم في أفواه النملات دول عشان يقوموا بدورهم في تحويلهم لعسل ويخزّنوهم وهكذا بقى، وبالمناسبة النملات دول بيبقوا دايمًا من أكبر الأحجام عشان يستفيدوا بأكبر مساحة تخزين ممكنة ..
.
عايز أقولك إنّ العسل دا بيتّاكل عادي وفي قبائل بتدوّر عليه مخصوص بإنهم بيحفروا بعُصي كدة في التُربة حتّى عُمق بيصل إلى مترين لحد ما يوصلوا لأماكن مُستعمرات النمل دا وبيفضلوا يدوّروا على الغُرف الأرضية اللّي بيبقى فيها النملات دول عشان ياكلوا العسل دا واللّي طعمه بيختلف حسب نوعية الأزهار اللّي النما دا استنشقها أو نوعية الطعام اللّي اتحوّل منّه العسل فالبداية، وآه عارف إنهم صعبوا عليك عشان فدماغك إنّهم شايلين أكل النمل التاني اللّي ملوش ذنب، بس هنعمل إيه، هو الإنسان كدة مُخرّب في كل حتّة بيروحها ..
.
المُهم إنّك لو صادفت نمل من دا فمستغربش شكله وهتفتكر كلامي هنا عنّه، فقول سبحان الله على جمال صُنعه، وعرّف صحابك اللّي بيحبّوا الحاجات الغريبة دي، وهاتهم يقروا معاك عن حاجة مش معروفة زيّ دي، ومتنساش تقولهم إنّ اللّي فوق دا مش كل الناس تعرفه، بس دلوقتي إنت مش منهم ..
.
#آخر_رف_فوق
