راقت لي ... اللَّه يبعتلك حناين.. كنت بصغري ما افهم شو السر بهالدعاء ؟! ليش الكبار بالعمر بيحبوه كتير.. ما كنت افهم شو السر بالحنية يلي بتخلي إنسان تاني من محبتو فيك من قلبو يتمنالك ياها.. ❤ بس كبرت فهمت ، إنّ غالباً لمّا يكبر الإنسان قلبو بيقسى حتى على يلي بيحبون ، فبتصير الحنية أو الرحمة شي نادر تشوفو.. اللَّه يبعتلك حناين 💕 يعني يبعتلك ناس تكون قلوبها رحيمة و سمحة توقف معك و تساندك بعز الوقت يلي إنت محتاجون فيه.. يمكن هاد أحلى شي ممكن بالفعل نتمناه لأي إنسان منحبو ، يكون محاط بناس رحيمة فيه و قلبها عليه هالدنيا بدا حناين.. و اللَّه يبعتلنا حناين ❤