ثلاث غرف وصالة

ثلاث غرف وصالة .. والعيلة  جيوبها مليانة  

مبسوطين طبعاً .. القاشية معهم معدن .. 

اخ واخته .. و زلمة ومرته ...

بيت صغير والمسافة بين الغرف .. مش كتير  

يعني من الأخر مافي هم ولا تعتير  

بيقولوا مبسوطين .. بس هالكلمة ما بتقنع ولد صغير  

بس ليش ما يكونوا مبسوطين .. ما القاشية معهم معدن

غيرهم لسا بدور بين القش ع المعدن

لحظة ..  هدول مش مبسوطين ؟!! هدول اكيد جاحدين.. 

  بس الحكي بينا ؟.... احنا كتير كذابين ! 

السعادة مش مش ثلاث غرف وصالة

ولا غرف خاصة تعيش فيها مع نفسك الحالة  

وبعدين مع الحالة ... شو مستنين …

حيطان تنهد و تشوفوا بعض عنجد ؟! 

لا صراحة ولا مقدامات

بتتفاجاءة بمعلومات وهون بتبدأ المحاكمات  

-مين الشب الي بتحكيه معاه من ورانا  

-على كم بنت ضحكت وتسليت يا ابني من ورانا ما بتعرف الدنيا دوارة .. 

 -من قديش بتعطني ابنك هالمصروف؟!

-بنتك غلطت الحق عليكي شو ماكانت الظروف

=انا الي تعبت وانا الي ربيت كنت لحالي

=مش من حقك تحاكمني

=انا تعبت وبنيت هالبيت

=يلعن هالعيشة لو بعرف هالزواج هيك كان زمان هجيت

=بس عشان الولاد الصغار بالبيت بلعت هالهم وضليت

-انا الي تعبت وشقيت طول اليوم من الشغل للبيت.. انا زلمة هالبيت .. وهاي مسؤوليتي لحد هون وكافي الي اعطيت

-بدي اعمل وبدي اسوي ..اصلاً الجيزة كلها ما كانت حلمي..

استنى استنى ..  طول بالك هدي حالك يا ابن عمي

توك ما اتذكرت حلمك !!  .. ليش شو كان حلمك !!   

انزل عالارض واحكي معنا ... يلي أحلامك كلها بلا معنى ..

مدامك قررت تحكم ارضك وتصون شرفك وعرضك .. يا ريت تنزل عالارض وتجيب مساح ..

بينك وبين عيلتك مساحة .. بدها شهور وسنين فلاحة

انزل عالارض واصحى .. انت مش اب انت كبيرك راس مال ويادوب نرضى ..

يتبع .......