#من_صبية مشان الله ساعدوني زوجي طول الوقت قاعد بالبيت بيشتغل تسويق عالنت وباقي الوقت نهار وليل حكي مع ابن عمتو شو بيحكو ومن وين بجيبو الحكي مابعرف لابقدر روح لعند حدا ولا حدا بيقدر يجي لعندي بسببو لان طول الوقت بالبيت وطبعا شغل التسويق يلي عم يشتغلو يادوب يجيب مليونين ليرة بالشهر وأنا بشتغل وكلشي بطالعو بصرفو بالبيت واذا ما اشتغلت بيقلب وجهو فيي وكأنو المرة يلي لازم تشتغل مو الزلمة.... طبعاً ايا غرض بشتهيه للبيت انا لازم ادفع نص حقو اشترينا غرفة نوم بعت دهباتي وحطيت نص حقا اشتريتا براد وشاشة نفس الوضع ....كل غرض بالبيت دافعة نص حقو ....طبعا بس تكبر بيناتنا بقلي اطلقي ومالك عندي شي ....صرت عم اندم عكل غرض بشتريه للبيت بقول البس فيه دهب للزمن مابعرف شو بصير معي احسن ماضل بالشارع بدون ولا شي ونحنا ياجماعة الخير قاعدين بالأجار وابني صغير عمرو سنة بدو مصروف حليب وفوط وانا وياه ليل نهار خناق كرمال يطلع يلاقيلو شغلة تانية برا وطبعا كلمتو المعهودة عاجبني وضعي هيك ومابدي اطلع برات البيت انصحوني شو اعمل ولو سمحتو بدون تجريح لأن الوضع مو متحمل😔 لأن والله اتعبت شغل بالبيت وشغلي يلي مابيخلص ومسؤوليات كتيرة وهو مو حاسس بشي