انسان منيح = سلوكيات منيحة انسان سيء = سلوكيات سيئة … ينبوع الماء لا يعطي ماءان … امّا ماء مرّ … او ماء عذب … ولكن بالحقيقة المعادلة أعمق بكتير من هيك … تصرفناتنا مع الأخرين ومع نفسنا بتتعلق كتير بطريقة تربيتنا وسواء اذا كنا أشخاص جيدين ومرنين ولا أشخاص عصبيين وسيئين … ولكن ايضاً تتعلق بوضعنا النفسي والاجتماعي والمالي والصحي والاستقرار يلي منتمتع فيه على عدة مستويات … ينبوع ماء عذب … بوجود اعاصير وزوابع رح يتلوث ويعطي ماء غير عذب ! هذا لا يغير حقيقته … وانما يغير ما يظهر منه … ونفس الشيء للشخص الجيد .. وجود ضغوطات بالحياة حيأدي لسلوكيات ( نحن ما منشوفها جيدة ) متل عزلة هالشخص، ابتعاده عن العالم او عدم وجود قدرة عنده على مساعدة الأخرين وتقديم ما كان يقدمه دائما … اننا نكون جيدين لا يكفي لنقدر نتعامل دايماً مع الكل بشكل جيد … هذا لا يعني تغير الشخص … وانما يعني انه عم يمر بظروف صعبة … انسان جيد + ظروف جيدة = تصرفات جيدة انسان جيد + ضغوطات بالحياة = غياب التصرفات الجيدة. ملاحظين انه هالشيء ما ببر لأي شخص سلوكيات سيئة … وانما ببر غياب التصرفات الجيدة … فمن اليوم ورايح … وقت بتشوف انسان جيد ماعم يتصرف متل المعتاد … اسأله كيفه. هل بحاجة مساعدة؟ هل في شيء فيك تقدمله اياه … وذكره بنفسه من خلال تصرفاتك .. الصديق الحقيقي هو الشخص الذي يعرف اغنية قلبك، ويغنيها لك عندما تنسى انت الايقاع … وبكثير من الحب دائما ❤️ - جورج مراش