من أحلى الشغلات يلي تعلمتها من أمي .. انو مادخلنا بحدا وبعمري ماشفت أمي متقربة من وحدة لدرجة انو كل شوي تتصل فيها أو تروح تزورها أو تروح لعند أي حدا على الطالعة والنازلة بدون سبب أو مناسبة أو ضرورة قصوى .. بحياتي ما شفتا عم تحكي على الموبايل بالسـ ـاعات بقصص العالم وبتفاصيل ما بتخصنا .. دائماً ما إلنا علاقة مين اتجوز مين طلـ ـق مين اشترى مين باع أو مين عمل أي شي بحياتو ماعنا هالحشرية والتدخل بحياة غيرنا .. كبرنا واتعودنا مانركز بالحياة على حدا ومانهتم لتفاصيل حدا وحتى إذا عرفنا شي عن حدا مامنفكر نحكي عليه .. و إنو بس عرفنااا عنو وخلص .. كبرنا وتعلمنا من أمي .. " إنك تعيش بحالك وتفرض احترامك عالكل " شو بحبك يا أمي ويخليلي اياكي ..!!❤️🌸