في زعل بيخلينا نبكي، وزعل بيخلينا نركض لحدا نشكي، وزعل بيخلينا نكتئب ونعتزل الناس، وزعل بيضحكنا بيخلينا نطلع مشوار.
وأقسى زعل هو "الزعل الساكت" .
يلي بيخليك تسكت وتصفن وتنطفي وتدبل عالسكت، الزعل اللي بيجي على هيئة صمت وسكوت وكتمان بيهدّك، ما بتحكي ولا بتشكي ولا بتلاقي أي عبارة أو كلمة أو صورة تعبر عن اللي بتحسه، بتسكت لأن الغصّة اللي بقلبك أكبر من كل الكلام لأن المشاعر يلي عم تحسها ما لقيت حكي يوصفها، وبعدها السكوت المحسوب عليك رضا وهدوء هو فعلياً حرب عم تطحنك وجبل على قلبك عم يخنقك ويهدّ فيك …