شكلنا هنبقى على موعد مع عظمة من إنتاج شركة "إتش بي أو - HBO"، الكاتب "جورج آر. آر. مارتن" عمل مدونة اتكلم فيها عن مسلسل "فارس من الممالك السبع" اللي الكل منتظره بعد ما شاف أول موسم، في المدونة أظهر حبه لـ"دونك أند إيج" وعجبه جدًا طاقم التمثيل واختيار الشخصيات.

لكن "مارتن" وضح إن الناس اللي فاكرين إن المسلسل مليان أكشن ممكن يخيب أملهم، المسلسل متوقع إن يبقى فيه على الأقل معركة ضخمة واحدة لا غير، ده غير إن مفيش تنانين ولا وايت ووكرز عشان المسلسل بيركز أكتر على الشخصيات.

وفي الآخر برضو قالنا إن المسلسل ممكن يتعرض في آخر السنة؛ لكن امتى بالظبط مش هيعرف يقول.